حرر في الأحد 01-11-2009 08:06 مساء - الزوار : 236 - ردود : 2

اطلب منكم المشورة ...فلا خاب من استشار ..واستشارة من ناحيتين ناحية مادية والناحية الاهم عندي نفسية واجتماعية ...انا ساكنه بشقة مستاجرة ...والد زوجي عنده عمارة جديدة...فيها شقق طبعا ...هو ساكن بدور ...واثنين من اولاده اللي هم اخوان زوجي بشقتين ...وباقي شقتين ...والد زوجي يبغاه يسكن باحدى الشقق الفاضية ...علما ان الشقة خالية من اي شئ يعني غير مشطبة واللي يبغى يسكنها هوه اللي يشطبها بكيفة ..يعني مو بلاش ...ولازم اللي يسكنها يدفع في تشطيبها والباقي لابوه 100 الف مقابل يسكن 10 سنين وبعدها يصير الاجار 850 ريال شهريا ...طبعا هذا من حق الوالد وهو قمة العدل لان باقي عنده عيال وبنات مالهم شقق...الناحية المادية اللي ابي استشيركم فيها زوجي عنده ارض وانا وهو نفكر انه لو جمع ال 100 الف وزاد عليهم وبنى في ارضه افضل له من الشقة ولان لو سكنا عندهم بعمارتهم مستحيل نترك الشقة بعد سنة او سنتين او ثلاث وقد خسرنا فيها ...الناحية الثانية اللي هي النفسية والاجتماعية انا امشي بالمقولة الماثورة (تزاورو ولا تجاورو )فانا علاقتي في اهل زوجي حلوة ...وخايفة اذا سكنت تخترب هالعلاقة ...وانا شفت هذا الشئ مع سلفاتي اللي ساكنات معاهم صارت علاقتهم شوئ متوترة ..وبين فترة يصير ططش بينهم .....وبالذات المشاكل اكثرها علشان الصغار ....والواحد مايبي احد يخاصم ولده اذا غلط ..او يسون الكبار غلط ويزعلون اذا الصغار قلدوهم .....وفي اشياء ثانية مثل المنافسات.... وبعضهم عنده الغيرة زايده شوئ ...وغيركذا  نفس الاخوان في اشياء دائما مختلفين فيها.......انا ما احب اعيش في جو زي كذا ولا ابغى عيالي يعيشون في هالجو المشحون ....وانا طالما علاقتي جدا طيبة معاهم ولا بينا اي شئ ...فافضل اني ما اسكن واجلس اروح ضيفة ويجوني هما ضيوف..وما اقطعهم اكثر من 5 ايام لازم ازورهم الا اذا كنت مسافرة ....وزوجي انا اشوف انهاكثر اخوانه بر بوالديه وان شاء الله اساعده على هالشئ...زوجي يقول قفلي على نفسك بابك اذا سكنت  ولا همك من احد بس انا ما احب القطيعة واحب اتواصل معاهم ...وانا اتغاضى كثيرواترفع عن المشاكل ...بس اخاف ان يجي يوم لا سكنت ما اقدر فيه على التحمل ...ويخرب اللي بيننا...الله يسعدكم افيدوني واكتبو لي ايش الحل اسكن معهم او اصر على راي وارفض السكن؟؟؟؟

وعلى فكرة زوجي راح اوريه الردود سواء كانت مويدة راي او معارضة

وشكرا الف مرة على هالموقع الرائع المفيد

أختي الكريمة

السلام عليكم

أولاً نشكرك على حرصك على أهل زوجك

كما نشكرك على حرصك على زيادة التواصل بينكم كما ذكرت

نعود للاستشارة

بالنسبة للسكن في الشقة إذا كان في مقدوركم بناء منزل فهو لاشك أحسن

لعدة أمور منها أنكم لو سكنتم في الشقة فليس بمقدوركم الخروج منها في وقت قصير وتحتاجون إلى جمع مال من أجل البناء

ومنها أن الأبناء سيكبرون بإذن الله وستصبح الشقة عليهم ضيقة .

فالبناء المستقل فيه فوائد أكثر

منها السعة في المنزل . ومنها يكون المال المدفوع في الملك . ومنها المحافظة على الأواصر والصلة بشكلها الحالي الجميل. ومنها إمكانية أن يكون البناء مصدر لزيادة الدخل بان تسكونوا في الدور الأرضي عدة سنين إلى أن يكبروا الأبناء بإذن الله .وتأجرون الدور العلوي ويكون بذك مصدر للدخل يعينكم على المعيشة .

كان الله في عونكم ويسر الباري أمركم

جزاك الله خير على ما تقدمه في هذا المنتدى